Мектебімізде «Сау бол, жүз жаса» тақырыбында қыркүйек айында спорттық шара өткізілді. 7-сынып оқушылары мектеп спорт залында спорттың әр түрінен жарысқа түсті. Онда мектеп мейірағасының қатысуымен қызықты өткен жарыста оқушылар денсаулық туралы, оның пайдасы туралы біраз мағлұмат алды. Дене шынықтыру пән мұғалімдері жарыс шартымен балаларды таныстырды, қауіпсіздік шаралары сақталды.
Мақсаты: Денсаулықты нығайту және салауатты өмір салтын насихаттау.
Қатысушылардың спортқа деген қызығушылығын арттыру. Ұжымдық рухты, достық пен өзара қолдануды дамыту. Жасөспірімдер арасында спорт мәдениетін қалыптастыру. Қатысушылардың физикалық дайындық деңгейін арттыру.
Жарысқа қатысушы 7-сынып оқушылары қол күрестен, арқан тартыстан, жүгіруден сайысқа түсті. Дене шынықтыру пән мұғалімдері жарыс соңында жеңімпаздарды мадақтады.Құмарбек Әрсен, Еркебай Санжар, Амангелді Нұрдәулет сынды оқушылар өзінің шапшаң қимылымен, жылдамдықтары мен көзге түсті.
